مرحباااا كيفكمـ
هذي قصيدة لعبدالله السميري
واسمها شفاء الطايف
يامعذب الاحباب ياغايب متـى وقـت الوصـول
انا على نار انتظـر رجعتـك لوطـال الغيـاب
ياهمي الي لـو يـزول العمـر كلـه مايـزول
ياقرب من الي في يدي وابعد علي من السحاب
ياصيف عمري ياربيع العمر ياغلـى الفصـول
يافرحتـي ياسلـوت الايـام يانـواع العـذاب
يابحر جده ياشفا الطايف ياحايـل ويـش اقـول
ياتراث مكه ياحضارت نجـد يابهـا والضبـاب
يانغمت الاوتار ياعـزف الموسيقـى والطبـول
ياظحكـت الاحبـاب مابيـن التغلـي والعتـاب
ياعنفوان الخيـل ياوقفـات ماضيـن الفعـول
يانشوت الكسبـان ياعـزت عزيزيـن الجنـاب
ياضحكة الاطفال يانظرات في الطـرف الخجـول
ياهيبت السلطان ياقـدر اللحـى حـق الرقـاب
ياحكمت العاقل ياعطـف الام يامعنـى القبـول
يالذت الماء في ظماء الظميان ياعذب الشـراب
يامعجم الاخـلاق يافهـرس تعاليـم الاصـول
ياروعـة الابـداع يابنـك المـبـادي والاداب
فديت عمرك يابعد عمري جعل عمـرك يطـول
احسب احساب الي حسب لاحساب حسبتنا حساب
بجاه رب ام القرى والقـدس وبجـاه الرسـول
انا مصاب اوجبك يلزمـك بسعـاف المصـاب
صبرت حول وحال حول الحول واستقبلت حـول
وانا انتظرك تذوب في قلبـي وقلبـي فيـك ذاب
وجيتك وانا كلي غلا جيتك وانـا كلـي ميـول
النفس لارظاك احظرت والقلب لارظاك استجـاب
وعجزت ياصعب طلوع اسالك ياصعـب نـزول
تصمت ولاحكي لك سوال اصمت ولاتحكي جواب
عزلتني عن عالم(ن) ماكنت انا عنـه معـزول
اطرد وراك العمر كله كنـي اطردلـي سـراب
سمعت قولي وانت قلي ودي اسمع ويش تقـول
انا طرحت الك السـوال ومنتظـر رد الجـواب
ولكمـ خالصـ تحياتيـ
.:: إعلانات موقع رحابي ::. 
يــامعــذب ـالاحــبــاب
العرض العادي
